Xitoyga gol ura olmagan o‘zbekistonlik olimpiyachilar Xalqaro turnirda so‘nggi o‘rinni egallab turibdi

Jasur Abduraimov murabbiylik qilayotgan O‘zbekiston U23 terma jamoasi Xitoydagi Xalqaro turnirda ikkinchi uchrashuvini o‘tkazdi.

Mezbon Xitoy U23 termasiga qarshi bellashuvda hisob ochilmadi — 0:0. O‘zbekistonlik futbolchilar turnirning 1-turida Meksikadan 0:2 hisobida mag‘lub bo‘lgandi.

Guruhdagi ikkinchi bellashuvda Vyetnam va Meksika olimpiyachilari 0:0 hisobida durang o‘ynadi. Qayd etish kerak, vyetnamliklar ilk turda Xitoy bilan ham golsiz durang qayd etgandi.

2-turdan keyin O‘zbekiston 1 ochko bilan guruhda so‘nggi o‘rinni egallab turgan bo‘lsa, Meksika hisobida 4, qolgan ikki termada esa 2 tadan ochko bor.

Guruhdagi so‘nggi tur bellashuvlari 13-noyabr kuni bo‘lib o‘tadi. Unda O‘zbekiston terma jamoasi Vyetnamga qarshi kurash olib boradi.

Xalqaro turnir

2-turVyetnam — Meksika 0:0Xitoy — O‘zbekiston 0:0

3-tur (13-noyabr)Meksika — XitoyO‘zbekiston — Vyetnam