“O‘zbekiston temir yo‘llari” aksiyadorlik jamiyatining tuzilmasi yangilandi

Vazirlar Mahkamasining 28-oktabrdagi qaroriga muvofiq, “O‘zbekiston temir yo‘llari” aksiyadorlik jamiyatining tashkiliy tuzilmasi hamda ijro apparati tuzilmasi tasdiqlandi, deb yozadi Norma.

Endi kompaniya tashkiliy tuzilmasida yuridik shaxs maqomiga ega bo‘linmalar, shuningdek, uning boshqaruv organlari ko‘rsatilgan, bular aksiyadorlar, kuzatuv kengashi, boshqaruvdir. Faoliyatning ichki nazorati taftish komissiyasi va ichki audit xizmati tomonidan amalga oshiriladi.

“O‘zbekiston temir yo‘llari” AJ ijro apparatiga endi boshqaruv raisi o‘rinbosari — “Toshkent metropoliteni” unitar korxonasi boshlig‘i kiradi, korxonaning o‘zi esa ijro apparati tuzilmasiga kiritilgan.

Kompaniya boshqaruv xodimlarining eng ko‘p soni 93 nafargacha qisqartirildi (bungacha 120 nafar edi).