Rossiya Texas yoki Fransiyaga teng hududni yakson etishi mumkin bo‘lgan “Sarmat” raketasi ko‘rinishini namoyish etdi

Rossiyaning akademik Makeyev nomli davlat raketa markazi “Satana-2” nomini olgan “Sarmat” qit’alararo ballistik raketasining ilk ko‘rinishini namoyish etdi. Bu haqda markaz saytiga tayanib, CNN ma’lum qildi, deya xabar beradi “Vedomosti”. 

Telekompaniya “Sarmat” Texas yoki Fransiyaga teng hududni yakson etishi mumkinligini eslatib o‘tgan.

Rossiya hukumatining 2010-yildagi qaroriga muvofiq, Makeyev nomli davlat raketa markaziga “Sarmat”ni yaratishga kirishish topshirilgandi. Mazkur raketa Rossiya strategik kuchlari yadroviy tiyib turish vazifasini kafolatli va samarali bajarishi uchun ishlab chiqilgan.