Olimlar Zika bezgagi tarqalishiga qarshi kurashish uchun chivinlarga maxsus bakteriyalarni yuqtirishni taklif etmoqda. Bu haqda “Interfaks” xabar bermoqda.
Gap hasharotlarni virus tashish imkoniyatidan mahrum etadigan volbaxiya bakteriyasi haqida ketmoqda. Dunyodagi barcha turdagi hasharotlarning uchdan bir, boshqa taxminlarga ko‘ra esa, uchdan ikki qismi mazkur bakteriya bilan kasallangan. Biroq bu tropik va subtropiklarda tarqalgan chivinlarga taalluqli emas. Aynan ular Zika virusi va Denge bezgagi tarqatuvchilari hisoblanadi.
Olimlar bakteriyani chivin genomiga kiritishga hozirlik ko‘rmoqda. Shu tariqa o‘zgarishlar hasharotlarning kelgusi avlodiga ham o‘tishiga umid qilinmoqda. Bakteriya yuqtirilgan chivinlar odamlarni chaqishda davom etadi, biroq virus yuqtirishi ancha qiyinlashadi.
Tajribani Zika kasalligi ayniqsa avj olgan Braziliya va Kolumbiyadagi hasharotlarda o‘tkazish taklif etilmoqda.
Izoh (0)