Toshkentda 26-oktabr kuni havo harorati +10 darajagacha iliq bo‘ladi
O‘zbekistonda 26-oktabr, chorshanba kuni yog‘ingarchilik kutilmaydi. Bu haqda “O‘zgidromet” markazi xabar bermoqda.
Xabar berishlaricha, 26-oktabrga o‘tar kechasi O‘zbekistonning tog‘li hududlari, Qoraqalpog‘iston Respublikasi, Xorazm viloyatida havo harorati -8...-3 darajagacha sovuq, Toshkent shahrida -1...+1 daraja, Buxoro, Navoiy, Toshkent, Samarqand, Jizzax, Sirdaryo viloyatlarida -2...+3 daraja, Qashqadaryo va Surxondaryo viloyatlarida 0...+5 daraja, Farg‘ona vodiysi viloyatlarida +1...+6 daraja iliq bo‘ladi.
Chorshanba kuni kunduzi mamlakatning tog‘li joylarida 0...+5 daraja, Qoraqalpog‘iston Respublikasi va Xorazm viloyatida +2...+7 daraja, Toshkent, Samarqand, Jizzax, Sirdaryo viloyatlari va Toshkent shahrida +5...+10 daraja, Buxoro va Navoiy viloyatlarida +7...+12 daraja, Farg‘ona vodiysi viloyatlarida +8...+13 daraja, Qashqadaryo va Surxondaryo viloyatlarida +15...+17 darajagacha iliq bo‘lishi kutilmoqda.
“O‘zgidromet” axborotiga ko‘ra, 26-oktabrga o‘tar kechasi va 26-oktabr kuni kunduzi O‘zbekistonning faqat tog‘li hududlari va Farg‘ona vodiysi viloyatlarida tuman tushishi ehtimoli bor.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
