Uy-joy kommunal xo‘jaligi vazirligini tashkil etish bo‘yicha tegishli hujjatlar loyihalari tayyorlanmoqda

Uy-joy kommunal xo‘jaligi vazirligini tashkil etish bo‘yicha tegishli hujjatlar loyihalari tayyorlanmoqda. Bu haqda O‘zbekiston Prezidenti vazifasini bajaruvchi Shavkat Mirziyoyevning Facebook’dagi rasmiy sahifasida xabar qilindi.

“Uy-joy kommunal xo‘jaligi masalalari bo‘yicha fuqarolardan O‘zbekiston Respublikasi Bosh vazirining Virtual qabulxonasiga juda ko‘plab murojaatlar tushayotgani sababli, ushbu sohada boshqaruv tizimini tubdan takomillashtirish maqsadida Uy-joy kommunal xo‘jaligi vazirligini tashkil etish bo‘yicha tegishli hujjatlar loyihalari tayyorlanmoqda”, — deyiladi xabarnomada.