Ispaniyaning “Atletiko” futbol jamoasi Chempionlar Ligasining guruh bosqichi doirasida Rossiyaning “Rostov” jamoasiga qarshi mehmonda o‘tkazadigan uchrashuv uchun muxlislariga birorta chipta sota olmadi. Bu haqda “Gazeta.ru” xabar bermoqda.
Rossiya jamoasi matbuot xizmatining ma’lum qilishicha, “Atletiko” o‘z muxlislariga qancha chipta kerak bo‘lishini oldindan aytib, ularni band qilib qo‘ygan. Ammo bir muddatdan so‘ng ispaniyaliklar birorta chipta sota olmaganini ma’lum qilib, kvotani qaytarib bergan.
“Demak, tashrif buyurgan ishqibozlar mustaqil ravishda kelgan, ularning ayrimlari rossiyalik ishqibozlar bilan birga o‘tiradi”, — dedi matbuot xizmati vakili.
Uchrashuv 19-oktabr Moskva vaqti bilan soat 21:45 da boshlanadi.
Izoh (0)