Video: Juda chiroyli tungi manzaralarni tasvirga oluvchi 1000 vattli uchar projektor

rctestflight taxallusi bilan tanilgan videobloger Freefly Alta oktokopteri (sakkiz parrakli dron)ga quvvati 1000 vattga teng LED-chiroqlarni o‘rnatib chiqdi, deya xabar bermoqda TJournal.

rctestflight tayyorlagan konstruksiya o‘zidan 90 ming lyumenga teng yorug‘lik tarqatgani sabab, videobloger tungi vaqtda havodan ajoyib kadrlarni tasvirga olishga muvaffaq bo‘ldi.

Qayd etishlaricha, avvallari bunday turdagi tasvirga olish ishlarini og‘ir texnika bilan ta’minlangan vertolyot yordamidagina amalga oshirish mumkin edi.

Konstruksiyaning barcha qismlari batareyadan quvvat oladi va o‘n daqiqacha ishlay oladi, xolos.

2015-yili rctestflight “jahondagi eng yorug‘ qo‘lbola portativ fonar”ni yaratganini e’lon qilib, mashhur bo‘lib ketgan edi. U o‘sha fonarning nisbatan takomillashtirilgan ko‘rinishini dronga mahkamlagan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.