Yamayka hukumati mamlakatda yengil atletika bo‘yicha 9 karra Olimpiada g‘olibi, 11 karra jahon chempioni sprinter Useyn Boltning haykalini o‘rnatishga qaror qildi. Bu haqda “TASS” xabar bermoqda.
Shuningdek, yamaykalik boshqa yengil atletikachilar – ikki karra Olimpiya chempioni Shelli-Enn Freyzer-Prays, uch karra Olimpiada g‘olibi Veronika Kempbell-Braun hamda Olimpiya o‘yinlarining ikki karra oltin medal sohibi Asafa Pauellning haykali o‘rnatiladi.
Xabarda ta’kidlanishicha, haykallar Yamayka poytaxti Kingston shahridagi Milliy stadion yaqinida joylashgan xiyobonga o‘rnatiladi.
Bolt va Freyzer-Praysning haykali 2017-yilning 6-avgustida, Yamayka mustaqilligining 55 yilligiga, 1 yil o‘tib esa Kembell-Braun va Pauellning haykali tayyor bo‘ladi.
Haykallar yamaykalik taniqli haykaltarosh Bezil Uotson tomonidan tayyorlanadi.
Izoh (0)