GQ Italy Jemailining rafiqasini Yevropaning eng go‘zal futbol ishqibozi deb topdi

Shveysariya terma jamoasi yarim himoyachisi Blerim Jemailining rafiqasi, albaniyalik fotomodel Eryona Suleymani GQ Italy jurnali tomonidan Yevropaning futbol ishqibozi bo‘lmish eng go‘zal ayoli deb tan olindi. Bu haqda “Chempionat” xabar bermoqda.

Suleymani turmush o‘rtog‘i ishtirokidagi uchrashuvlarga muntazam ravishda tashrif buyuradi. U Yevro–2016 paytida shuhratga erishdi, uning suratlari jahonning yirik sport nashrlarida chop etildi.