Turkiya harbiylarining Iroqda bo‘lishi va harakatlari Bag‘dod hukumati bilan to‘liq kelishilgan bo‘lishi lozim. Bu haqda Anqaraning Mosulda qo‘shinlari bo‘lib turishini uzaytirish haqidagi qaroriga izoh bergan BMT bosh kotibi rasmiy vakili o‘rinbosari Farxan Haq ma’lum qildi, deya xabar beradi “TASS”.
“Iroqni qo‘llab-quvvatlashga qaratilgan har qanday harakatlar BMT Ustavi, jumladan, suverenitet, hududiy yaxlitlik va boshqa davlat ishlariga aralashmaslik tamoyillariga asoslanishi zarur. Bosh kotib Turkiya rasmiylari Iroqdagi barcha harakatlar Iroq hukumatining to‘liq roziligi asosida amalga oshirilishini ta’minlashiga umid qilmoqda”, — deya ta’kidladi Farhan Haq.
Rasmiy vakil o‘rinbosari Anqara va Bag‘dod yuzaga kelgan vaziyatni hal etish uchun maslahatlashuvlar o‘tkazganini eslatib o‘tdi. Uning ma’lum qilishicha, BMT bosh kotibi ikki davlatni muzokaralarni davom ettirishga chaqirgan va zarurat tug‘ilgan taqdirda vositachilik vazifasini bajarishga tayyor.
Izoh (0)