Suriya armiyasi Aleppoga berilayotgan zarbalar sonini kamaytirishga qaror qildi

Suriya qurolli kuchlari bosh qo‘mondonligi shahar aholisi xavfsiz joyga ketishiga imkon berish uchun Aleppoga zarbalar sonini qisqartirishga qaror qildi. Bu haqda “RBK” xabar bermoqda.

Armiya qo‘mondonligi rasmiy bayonotida “sharqiy Aleppoda isyonchilar tomonidan tutib turilgan” aholidan tirik qalqon tarzida foydalanilayotgani bildirilgan. Harbiylarga ko‘ra, zarbalar sonining kamaytirilishi fuqarolarga boshqa manzillarga ketish imkonini beradi.

Ma’lumot uchun, BMT ekspertlari Aleppoda 275 ming tinch aholi vakili qolayotganini ta’kidlamoqda.