Сурия армияси Алеппога берилаётган зарбалар сонини камайтиришга қарор қилди

Сурия қуролли кучлари бош қўмондонлиги шаҳар аҳолиси хавфсиз жойга кетишига имкон бериш учун Алеппога зарбалар сонини қисқартиришга қарор қилди. Бу ҳақда «РБК» хабар бермоқда.

Армия қўмондонлиги расмий баёнотида «шарқий Алеппода исёнчилар томонидан тутиб турилган» аҳолидан тирик қалқон тарзида фойдаланилаётгани билдирилган. Ҳарбийларга кўра, зарбалар сонининг камайтирилиши фуқароларга бошқа манзилларга кетиш имконини беради.

Маълумот учун, БМТ экспертлари Алеппода 275 минг тинч аҳоли вакили қолаётганини таъкидламоқда.