O‘zbekiston Respublikasi Prezidenti vazifasini bajaruvchi, Bosh vazir Shavkat Mirziyoyev Samarqand viloyati Oqdaryo tumanida bo‘lib, bu yerda amalga oshirilayotgan qishloq xo‘jaligi ishlari bilan tanishdi, deya xabar bermoqda O‘zA.
U fermerlar bilan dehqonchilikda samaradorlikni oshirish, qishloq xo‘jaligi mahsulotlari yetishtirish barobarida ularni qayta ishlashni yanada kengaytirish masalalarini muhokama qildi.
O‘zbekiston Respublikasi Prezidentining shu yil 5-oktabrda qabul qilingan “Tadbirkorlik faoliyatining jadal rivojlanishini ta’minlashga, xususiy mulkni har tomonlama himoya qilishga va ishbilarmonlik muhitini sifat jihatidan yaxshilashga doir qo‘shimcha chora-tadbirlar to‘g‘risida”gi farmonining ahamiyati haqida to‘xtaldi.
Eslatib o‘tamiz, O‘zbekiston Respublikasi Prezidenti vazifasini bajaruvchi, Bosh vazir Shavkat Mirziyoyev joylarda ijtimoiy-iqtisodiy islohotlarning borishi, sanoat, qishloq xo‘jaligi va ijtimoiy sohalarda amalga oshirilayotgan keng ko‘lamli ishlar bilan yaqindan tanishish maqsadida shu yilning 5-oktabr kuni Samarqand viloyatiga tashrif buyurdi.
Avvalroq Urgut tumanida erkin iqtisodiy zona tashkil etilishi va Samarqandda tramvay qatnovi yo‘lga qo‘yilishi xabar qilingan edi.
Izoh (0)