Suriya armiyasi Aleppoda 4 yil mobaynida birinchi marta tanklardan foydalandi

Suriya armiyasi Aleppoda jangarilar marralariga hujum chog‘ida mazkur mintaqada janglar olib borilayotgan oxirgi 4 yil mobaynida birinchi marta tanklardan foydalandi. Bu haqda “Interfaks” xabar bermoqda. 

Al Jazeera telekanalining Suriyadagi “Oq kaskalar” tashkilotiga tayanib ma’lum qilishicha, hukumat kuchlari 4-oktabr, seshanba kuni jangarilar tomonidan nazorat qilinayotgan Alepponing sharqiy dahalariga bir yo‘la bir necha yo‘nalishlardan kirishga harakat qildi. 

Biroq harbiylar hozircha faqat shimoli-sharqdagi ayrim hududlar, jumladan, falastinlik qochoqlarning sobiq “Xandarat” lagerini egallashga muvaffaq bo‘lgani bildirilmoqda.