Osiyo Chempionati U16. Ketma-ket uchinchi o‘yinda g‘alaba qozongan O‘zbekiston o‘smirlari guruhda birinchi bo‘ldi

Futbol bo‘yicha o‘smirlar o‘rtasidagi Osiyo Chempionatida O‘zbekiston termasi chorak finalga yo‘llanma oldi.

Dastlabki ikki turda Tailand va Yaman o‘smirlarini mag‘lub etgan o‘zbekistonliklar, hal qiluvchi 3-turda 6 ochkoga ega bo‘lib turgan KXDRni 3:1 hisobi bilan dog‘da qoldirdi.

Uchrashuvdagi barcha gol ikkinchi bo‘limda kiritildi. 75-daqiqaga kelib koreyalik futbolchilar yirik mag‘lubiyatdan qutulib qoldi.

Temur Olimxo‘jayev boshchilik qilayotgan O‘zbekiston o‘smirlar terma jamoasi chorak finalda “C” guruhida ikkinchi bo‘lgan Iroqni sinovdan o‘tkazadi. Mazkur bellashuv g‘olibi 2017-yil bo‘lib o‘tadigan o‘smirlar o‘rtasidagi Jahon Chempionatiga yo‘llanma oladi.

Qayd etish kerak, “D” guruhi 3-turidan joy olgan ikkinchi o‘yinda Tailand va Yaman termalari murosa ko‘chasini tanladi — 1:1.

Osiyo Chempionati U16 “D” guruhi. 3-tur 23-sentabr, juma

KXDR — O‘zbekiston 1:3

O‘zbekiston U-16: Jasurbek Umrzoqov, Shohzamon Xayrullayev, Muhammadali Namozov, Oston O‘runov, G‘ayrat Azizxo‘jayev, Ibrohim G‘anixonov, Shuhrat Ne’matov (Rasul Yo‘ldoshev, 62), Islom Karimov, Abdulhay Ismoilov, Abdug‘ani Kamolov, Burxon Hasanov (Doniyor Abdumannopov, 62).