Kuba inqilobi yetakchisi Fidel Kastro va Yaponiya bosh vaziri Sindzo Abe jahon hamjamiyatini yadroviy qurolni yo‘q qilish va tinchlikni saqlashga qaratilgan sa’y-harakatlarni kuchaytirishga chaqirdi. Bu haqda “TASS” xabar bermoqda.
90 yoshli kubalik siyosatchi Gavanada Yaponiya rahbari bilan uchrashib, jahon miqyosidagi murakkab vaziyatni muhokama qildi.
Ayni paytda Sindzo Abe rasmiy safar bilan Kubada bo‘lib turibdi.
“Ochiq-oydin va samimiy ruhda kechgan muloqotda Fidel Kastro va Sindzo Abe ikki millat o‘rtasidagi ko‘p asrlik do‘stlik rishtalarini qayd qilib o‘tdi”, — ta’kidlanadi rasmiy xabarnomada.
Izoh (0)