Фидель Кастро ва Синдзо Абэ ядровий арсенални йўқ қилишга чақирди

Куба инқилоби етакчиси Фидель Кастро ва Япония бош вазири Синдзо Абэ жаҳон ҳамжамиятини ядровий қуролни йўқ қилиш ва тинчликни сақлашга қаратилган саъй-ҳаракатларни кучайтиришга чақирди. Бу ҳақда «ТАСС» хабар бермоқда.

90 ёшли кубалик сиёсатчи Гаванада Япония раҳбари билан учрашиб, жаҳон миқёсидаги мураккаб вазиятни муҳокама қилди.

Айни пайтда Синдзо Абэ расмий сафар билан Кубада бўлиб турибди.

«Очиқ-ойдин ва самимий руҳда кечган мулоқотда Фидель Кастро ва Синдзо Абэ икки миллат ўртасидаги кўп асрлик дўстлик ришталарини қайд қилиб ўтди», — таъкидланади расмий хабарномада.