Olimlar kaptarlar noto‘g‘ri qaror qabul qilgan yetakchini chetlashtirishini aniqladi

Agar kaptarlar yetakchisi parvoz yo‘nalishini noto‘g‘ri ko‘rsatsa, qushlar guruhi birlashib, boshqa yo‘nalish bo‘yicha uchishi mumkin, yetakchi esa o‘z nufuzini yo‘qotib boradi. Bu haqda, Biology Letters jurnalida chop etilgan maqolaga asoslanib, Naked Science xabar berdi.

Britaniyalik olimlar o‘z tadqiqotlari natijalarini chop etib, unda kaptarlar parvoz yo‘nalishini belgilashda ma’lum iyerarxiyaga tayanishini ko‘rsatdi.

“Ilgarigi tadqiqotlar ularda ‘navigatsion iyerarxiya’ borligini aniqladi, bunda har bir individning nufuzi uning individual obro‘i bilan, ta’sir darajasi va qaror qabul qilishdagi o‘rni bilan bog‘liq. Bizning tadqiqotda ushbu iyerarxiya boshida turuvchi qush ko‘rib chiqildi”, — dedi tadqiqot guruhi a’zosi Izobel Uotts.

Kaptarlar to‘dasida bunday iyerarxiya tez-tez yangilanib turishi aniqlandi.