Олимлар каптарлар нотўғри қарор қабул қилган етакчини четлаштиришини аниқлади
Агар каптарлар етакчиси парвоз йўналишини нотўғри кўрсатса, қушлар гуруҳи бирлашиб, бошқа йўналиш бўйича учиши мумкин, етакчи эса ўз нуфузини йўқотиб боради. Бу ҳақда, Biology Letters журналида чоп этилган мақолага асосланиб, Naked Science хабар берди.
Британиялик олимлар ўз тадқиқотлари натижаларини чоп этиб, унда каптарлар парвоз йўналишини белгилашда маълум иерархияга таянишини кўрсатди.
«Илгариги тадқиқотлар уларда ‘навигацион иерархия’ борлигини аниқлади, бунда ҳар бир индивиднинг нуфузи унинг индивидуал обрўи билан, таъсир даражаси ва қарор қабул қилишдаги ўрни билан боғлиқ. Бизнинг тадқиқотда ушбу иерархия бошида турувчи қуш кўриб чиқилди», — деди тадқиқот гуруҳи аъзоси Изобел Уоттс.
Каптарлар тўдасида бундай иерархия тез-тез янгиланиб туриши аниқланди.
