Janubiy Koreyaning Seul milliy universiteti olimlari o‘tgan yil yozida Yamal-Nenets avtonom okrugidagi (Rossiya) arxeologik yodgorliklardan birida topilgan XIII asrga mansub mumiyolangan bola yuzini tiklamoqda. Bu haqda okrug hukumati matbuot xizmatiga tayanib, “TASS” xabar bermoqda.
“2015-yili o‘rta asrlarga oid qabristonda aniqlangan bolaning mumiyolangan qoldiqlarini mukammal tadqiq etish davom etmoqda. Yamal topilmasini o‘rganishga Seul milliy universiteti tadqiqotchilari qo‘shildi. Ular bolaning irqiy mansubligini aniqlash, shuningdek, yuzini tiklash niyatida”, — deya ma’lum qildi matbuot xizmati.
Hozirda Rossiya fanlar akademiyasi molekulyar genetika instituti olimlari mumiyolangan qoldiq genomi ustida ishlamoqda. Sankt-Peterburgdagi tajriba tibbiyoti instituti xodimlari bola hayot paytida qanday kasalliklar bilan og‘riganiga aniqlik kiritmoqda. Bu yil ham Yamaldagi qabristonda qazishmalar olib borildi va arxeologlar tomonidan 8 qabr ochildi hamda o‘rganildi. Ulardan biri ayol, ikkisi bolaga tegishli.
Izoh (0)