Volgograd viloyatida shu yil hisobidan birinchi G‘arbiy Nil bezgagiga chalinish holati qayd etildi

Rossiyaning Volgograd viloyatida shu yil hisobidan G‘arbiy Nil bezgagiga chalinish bilan bog‘liq birinchi holat qayd etildi. Bu haqda “TASS” xabar bermoqda.

“2015-yilda G‘arbiy Nil bezgagiga chalinish holatlari qayd etilmagan edi. Bu yil birinchi holat laboratoriyada tasdiqlandi. Sredneaxtubinsk tumanida nafaqaxo‘r ayol bezgakni yuqtirib olgan. U hozirgi paytda viloyat yuqumli kasalliklar shifoxonasida bo‘lib, ahvoli barqaror. Kasallik yengil shaklda kechayotgan bo‘lsa-da, virusga qarshi kompleks davo muolajalari o‘tkazilmoqda”, — dedi “Rospotrebnadzor” hududiy boshqarmasi bo‘lim boshlig‘i Yuriy Ketov.

U, shuningdek, ushbu infeksiya asosan keksa kishilarda qayd etilishini ta’kidlab o‘tdi.