Yaponiya bosh vaziri Sindzo Abe Rossiya prezidenti Vladimir Putin bilan mamlakatning bosh oroli — Xonsyu janubi-g‘arbida joylashgan va o‘zi tug‘ilib-o‘sgan Yamaguti prefekturasida uchrashish niyatida ekanligini bildirdi. Bu haqda “Gazeta.ru” xabar bermoqda.
Bosh vazir bu haqda Yamaguti saylov komissiyasi rahbariyati bilan uchrashuvi chog‘ida ma’lum qildi. “Men prezident Putinni albatta bu yerga kelishga taklif etishni istardim”, — deya ta’kidlagan Abe.
Ma’lumot uchun, Abe va Putin 2—3-sentabr kunlari Vladivostokda o‘tkaziladigan Sharqiy iqtisodiy forum doirasida uchrashishi kutilmoqda.
Izoh (0)