Rio-de-Janeyroda Rossiya Olimpiya terma jamoasi istiqomat qiladigan mehmonxona balkonidagi bayroqlar noma’lum shaxslar tomonidan yulib ketildi. Bu haqda, sinxron suzish ustasi Aleksandra Patskevichning ma’lumotiga asoslanib, “Interfaks” xabar bermoqda.
“Biz Olimpiya qishlog‘ida istiqomat qilmoqdamiz. Bu yerda mehmonxona-uyimiz bor, bu yerda faqat Rossiya delegatsiyasi istiqomat qiladi. Biz 16-qavatda yashaymiz. O‘sha yerda bayroqlarimizni osib qo‘ygan edik. Kecha ertalab Rossiya bayroqlari yulib olinib, tugun qilib bog‘lab qo‘yilganini ko‘rdik. Biz, albatta, ularni joyiga qo‘ydik, lekin kechki mashg‘ulotlardan qaytishimizga bayroqlar izsiz yo‘qoldi”, — dedi Patskevich.
Shuningdek, sportchi Rio-de-Janeyroda rossiyaliklarga yomon munosabatda bo‘linayotganini aytdi.
“Rossiyalik sportchilarga hushtakbozlik qilishadi, pyedestaldagi yigitlarimizni tabriklashdan namoyishkorona bosh tortishadi, ularning qo‘lini siqish uchun kelishmaydi”, — dedi u.
Izoh (0)