O‘zbekiston viloyat markazlari va yirik shaharlari orasida 10-avgust, chorshanba kuni eng salqin havo Samarqand shahrida qayd etildi. “O‘zgidromet” ma’lumotiga ko‘ra (pdf), Jizzax viloyati ma’muriy markazida shu kuni maksimal havo harorati +36 darajagacha ko‘tarilgan.
10-avgust kuni kunduzi Urganch, Samarqand, Guliston, Andijon, Namangan shaharlarida eng yuqori havo harorati +37 darajani, Nukus, Buxoro, Navoiy, Farg‘ona shaharlarida +38 darajani, Toshkent shahrida +39 darajani, Qarshi va Termizda +40 darajani tashkil etgan.
Bundan tashqari, “O‘zgidromet” ma’lumotlariga ko‘ra, Buxoro viloyatining Jongeldi qishlog‘i va Qashqadaryo viloyatining G‘uzor shahri ham 10-avgust kuni O‘zbekistonning eng issiq nuqtalariga aylangan — bu yerda ham havo harorati +40 darajagacha ko‘tarilgan.
O‘zbekistonning tog‘li hududlarida nisbatan salqin iqlim sharoiti saqlanib qolgan. Qamchiq dovonida havo harorati +25 darajadan, Chimyon yon-bag‘irlarida esa +28 darajadan oshmagan. Shahar va shaharchalar orasida eng salqin havo Angrenda (Toshkent viloyati, +34 daraja) kuzatilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)