International Champions Cup. Fransiya chempionidan 3 ta gol o‘tkazgan “Inter”, Germaniyadan chempionidan 4 ta o‘tkazdi

Xalqaro Chempionlar Kubogida ishtirok etayotgan Italiyaning “Inter” klubi o‘zining ikkinchi o‘yinida ham mag‘lubiyat alamini totib ko‘rdi.

Musobaqadagi birinchi bellshuvda “PSJ”dan 1:3 hisobida yengilgan milanliklar, “Bavariya” bilan o‘yinda 1:4 hisobida mag‘lub bo‘ldi.

Nemis klubi safida Grin xet-trik qayd etgan bo‘lsa, Frank Riberi yana 1 ta golga mualliflik qildi. 90-daqiqaga kelibgina Mauro Ikardi 4 ta golga bitta aniq zarba bilan javob qaytardi.

“Inter” navbatdagi o‘yinni 13-avgust kuni Shotlandiyaning “Seltik” klubiga qarshi o‘tkazadi. “Bavariya” esa 3-avgust kuni bosh murabbiy Karlo Anchelottining sobiq klubi “Real”ga qarshi saf tortadi.

Germaniya chempioni turnirdagi ilk uchrashuvni “Milan”ga qarshi o‘tkazib, 3:3 hisobida durang o‘ynagan va penaltilar seriyasida yengilgandi.

International Champions Cup—2016 Sharlott, AQSh 30-iyul, 2016

“Inter” — “Bavariya” 1:4