Argentinalik hujumchi Gonsalo Iguain faoliyatini Turinning “Yuventus” klubida davom ettiradi. O‘tgan mavsumni “Napoli” safida o‘tkazgan Iguain 35 ta o‘yinda 36 ta gol urib, A seriya to‘purarligini qo‘lga kiritgandi.
Gonsalo bilan 5 yillik shartnoma imzolashi uchun “Yuventus” Neapol klubiga 90 million yevro to‘laydigan bo‘ldi. Bu mablag‘ “Napoli”ga ikki yil muddat ichida to‘lab boriladi.
28 yoshli Iguain 2013-yilga kelib “Real” safidan “Napoli”ga yetib kelgandi.
“Championat.asia” ma’lumotiga ko‘ra, “Yuventus”ning bu xaridi futbol tarixidagi qimmatligi bo‘yicha uchinchisidir. “Real” Krishtianu Ronalduni qo‘lga kiritish uchun “Manchester Yunayted” hisob-raqamiga 94 million o‘tkazib bergan bo‘lsa, “Tottenhem”dan Garet Beylni olib kelish uchun 100 million sarflagandi.
Izoh (0)