Ozarbayjonning qadimiy shaharlaridan biri — Shekida III An’anaviy shirinliklar xalqaro festivali bo‘lib o‘tdi, deb yozadi “Trand.az”.
Festivalda Ozarbayjonning 19 hududi va dunyoning sakkiz mamlakati — Indoneziya, Rossiya, Hindiston, Fransiya, Gretsiya, O‘zbekiston, Eron va Ukrainadan qandolatchilar ishtirok etib, o‘zlarining an’anaviy shirinliklarini namoyish qildi.
Festival doirasida ikkita — chet ellik mehmonlar orasida va ozarbayjonlik pazandalar ichida tanlov o‘tkazildi. Hakamlar hay’ati qarori bilan, xalqaro festivalda o‘zbekistonlik qandolatchilar g‘olib bo‘ldi. Ikkinchi o‘rinni Indoneziya va Hindiston, uchinchi o‘rinni Eron vakillari egalladi.