Erdo‘g‘onga talab qo‘yayotgan olomon, tiklanayotgan Orol, Sirg‘ali bozoridagi “zilzila” va kunning boshqa muhim yangiliklari

20-iyulning e’tiborga molik yangiliklari — “Daryo”ning kechki dayjestida.

1. Tramp respublikachilardan AQSh prezidentligiga nomzod bo‘ldi. 8-noyabrda bo‘ladigan prezident saylovida u hamda Demokratik partiya vakili Hillari Klinton raqib bo‘lishi kutilmoqda.

2. Erdo‘g‘onning minglab tarafdorlari to‘ntarishga urinish ishtirokchilariga nisbatan o‘lim jazosi qo‘llanishini talab qilmoqda. Avvalroq Erdo‘g‘on Turkiyada o‘lim jazosi joriy qilinishi mumkinligini haqida aytib o‘tgandi.

3. FVV Sirg‘ali bozorida maxsus-taktik o‘quv mashqi o‘tkazdi. O‘quv mashqi g‘oyasiga ko‘ra shartli ravishda zilzila sodir bo‘lishi natijasida ma’muriy binoda yong‘in sodir bo‘ladi.

4. QazaqGeo: Orol tiklanmoqda, sahro asta-sekin chekinmoqda. Ko‘koroldagi to‘g‘on dengizning bir qismini qutqarish uchun asos yaratishga ko‘mak berdi.

5. “O‘zbeknavo” Sarvar va Komil hamda Sitora Farmonovaning litsenziyasi nima sababdan tugatilganini ma’lum qildi. Sitora Farmonova esa “litsenziyam vaqti tugagan” deb yurgan ekan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.