Nitssa meriyasida shahardagi terakt qurbonlari nomlari tushirilgan polotno paydo bo‘ldi

Nitssadagi teraktda halok bo‘lgan 84 kishining ism-sharifi shahar meriyasi binosida o‘z aksini topdi. Bu haqda “Interfaks” xabar bermoqda.

Qurbonlar nomlari tushirilgan ikki qora polotno bino tashqi tomonida 21-iyul, payshanba kuni kechki payt paydo bo‘ldi.

Eslatib o‘tamiz, oldinroq Parij prokurori Fransua Molens Nitssadagi terrorchining sheriklari bo‘lishi mumkin bo‘lgan besh kishining hibsga olinganligini tasdiqladi. Ular uch nafar tunislik erkak va albaniyalik juftlikdir.