Matbuot Janni Infantino FIFA axloq-odob qo‘mitasi tomonidan so‘roqqa tutilganini ma’lum qildi

FIFA axloq-odob qo‘mitasi tashkilot prezidenti Janni Infantinoni kodeks me’yorlarining buzilishi yuzasidan so‘roq qildi. Bu haqda, BBC telekanaliga asoslanib, “TASS” xabar bermoqda.

Telekanalning o‘z manbalariga tayanib ma’lum qilishicha, Infantino qo‘mitaning rasmiy vakili bilan suhbatlashib, ayblovlarga hech qanday sabab yo‘qligini uqtirgan.

Germaniyaning Bild nashriga ko‘ra, 29-may kuni Milanda o‘tgan Chempionlar Ligasi finalidan so‘ng Infantino oilasi bilan Rimga, u yerdan esa Jenevaga uchgan. Safar xususiy xarakterga ega bo‘lib, tashkilot Infantino parvoz haqini qaysi mablag‘ hisobidan to‘laganidan bexabar. Bu voqeaga tashkilot prezidentiga nisbatan ayblovlar ilgari surilishiga sabab bo‘ldi.

Bild nashridagi ma’lumotlarga qaraganda, Infantino parvozni FIFAning reklama budjeti hisobidan amalga oshirgan. Ushbu voqeadan so‘ng tashkilotning logistika bo‘limi rahbari ishdan haydalgan.