Moskvada Shakro Molodoy laqabi bilan mashhur “qonundagi o‘g‘ri” Kalashov Zaxariy qo‘lga olindi. Bu haqda huquqni muhofaza qilish organlaridagi manbasiga tayanib, “Rosbalt” ma’lum qildi, deya xabar bermoqda “Gazeta.ru”.
U Elements restorani sohibasi Janna Kimdan juda katta miqdorda pul undirish bo‘yicha jinoyat ishi doirasida qo‘lga olinganligi ta’kidlanmoqda.
Tovlamachilik va otishma yuz bergan jinoyat 2015-yilning 14-dekabrida sodir etilgan edi. O‘shanda otishma davomida ikki kishi halok bo‘lgan edi. Tez orada hodisa yuzasidan ikki nafar gumonlanuvchi qo‘lga olingan. Ulardan biri Shakro Molodoy bilan yaqin aloqada bo‘lgan “Italiyalik” laqabi bilan mashhur Andrey Kochuykov edi.
Izoh (0)