Qozog‘iston hukumati tomonidan qator jinoyatlar, jumladan, davlatni to‘ntarishga urinishda ayblanayotgan taniqli qozoq biznesmeni To‘xtar Tuleshov jinoiy guruhni ta’minlash uchun xarajatlari hamda hashamatli hayotga moyilligi tufayli yuzaga kelgan katta qarzdorliklari sababli jinoyatga qo‘l urgan. Bu haqda Qozog‘iston Respublikasi Milliy xavfsizlik qo‘mitasi ma’lumotlariga tayanib, KNews xabar berdi.
Hukumatni egallagach, biznesmen alternativ hukumatni shakllantirib, oxir-oqibat, mamlakatga rahbarlik qilishni rejalashtirgan.
O‘zining hukumatni egallash bo‘yicha rejasini amalga oshirish uchun Tuleshov, dastlab, mamlakatdagi vaziyatni beqarorlashtirishga qaror qilgan. Shu maqsadda u Qirg‘izistonda 2005- va 2010-yillarda sodir bo‘lgan voqealarni puxta o‘rganib chiqqan.
Natijada biznesmen hukumat tepasiga kelishining eng oson yo‘li Qozog‘iston g‘arbida ommaviy tartibsizliklar va aholi noroziligini keltirib chiqarish ekanligini tushundi. Biznesmen fikricha, ushbu hududdagi norozi guruhlardan u o‘z maqsadlari yo‘lida foydalana olardi.
Norozilik aksiyalari va ommaviy tartibsizliklar avj olgan bir paytda u amaldagi hukumatga ultimatum e’lon qilishni va o‘ziga vitse-prezident lavozimini talab qilib olishni, keyinchalik esa mamlakatga rahbarlik qilishni ko‘zlagan.
Izoh (0)