Bugun,

  • USD 11095.31
  • RUB 173.84
  • EUR 10772.44
5-iyul kuni Lionel Messi va uning otasi Xorxe moliyaviy firibgarliklar uchun 21 oylik qamoq jazosiga hukm qilindi. Messining oilasi 2007–2009-yillarda 4,1 million yevro miqdoridagi soliqni to‘lashdan bo‘yin tovlagan. Shu munosabat bilan Forbes sudlanib chiqqan boshqa sportchilarni ham esga oldi.

Oskar Pistorius

Foto: Forbes

Foto: Forbes
Janubiy Afrika Respublikasidan paralimpiyachi poygachi 2014-yilda o‘z ma’shuqasi Riva Stenkampni o‘ldirishda aybdor deb topilgan edi. Qizning jasadi sportchining uyidan topilgan. Dastlab Pistorius besh yilga qamaldi. Shuningdek, o‘qotar qurolni noqonuniy tarzda saqlagani uchun uch yillik shartli qamoqqa mahkum etildi. Oxir-oqibat, JAR Oliy sudi uni jami olti yilga ozodlikdan mahrum etdi.

O. Jey Simpson

Foto: Forbes

Foto: Forbes
1992-yilda Amerika futbolida shuhrat qozongan sportchi o‘z rafiqasi Nikol Braun-Simpsonga nisbatan zo‘ravonlik qilganlikda ayblandi. Ikki yildan so‘ng esa u Amerika tarixidagi eng shov-shuvli — Nikol Braun-Simpson va yosh ofitsiant Ronald Goldman qotilligi haqidagi ish figurantiga aylandi. U oqlangan bo‘lsa-da, 2008-yilda qurolli bosqinchilik va odamlarni o‘g‘irlashda aybdor deb topildi.

Diyego Maradona

Foto: Forbes

Foto: Forbes

Argentinalik futbolchi 1991-yilda kokain qabul qilgani uchun 15 oyga diskvalifikatsiya qilindi. 1994-yilda uning qonida beshta taqiqlangan modda topildi. 1998-yilda esa jurnalistlarni pnevmatik miltiq bilan o‘qqa tutgani uchun 2 yil-u 10 oyga shartli ravishda qamaldi.

2001-yilda sportchi Italiyaning “Napoli” klubida o‘ynagan davrida 40 million yevro soliq to‘lamaganlikda ayblandi. 2006-yilda Polineziya go‘zallik qirolichasining boshini yordi.

2006-yilda Maradona avtomobili bilan telefon budkasiga borib urilib, er-xotinga jarohat yetkazdi. Bu ish bo‘yicha haligacha hukm chiqarilmagan.

Vyacheslav Voynov

Foto: Forbes

Foto: Forbes
“Los-Anjeles Kingz” klubida o‘ynaydigan rossiyalik xokkeychi 2014-yilda Kaliforniyaning Redondo-Bich shahrida o‘z rafiqasini kasalxonaga ko‘kargan va lat yegan holda olib kelgach, hibsga olindi. U 90 kunlik qamoqqa va 3 yillik sinov muddatiga hukm qilindi.

Mayk Tayson

Foto: Forbes

Foto: Forbes

O‘ta og‘ir vaznda mutlaq jahon chempioni 12 yoshidayoq kisavurlik uchun qamalgan. 1992-yilda esa jinsiy zo‘ravonlik uchun olti yilga ozodlikdan mahrum qilingan.

1997-yilda Evander Xolifild bilan jangda Tayson raqibi qulog‘ining bir parchasini tishlab uzib oldi, natijada u bokschilik litsenziyasidan mahrum qilindi va 3 million dollarlik jarimaga tortildi.

1999-yilda Tayson yo‘ldagi janjalda ikki kishini do‘pposlagani uchun uch yarim oyga qamaldi. 2006-yilda kokain iste’mol qilib qo‘lga tushgan bo‘lsa, 2008-yilda mast holda mashina boshqargani uchun bir sutka qamoqda o‘tirib chiqdi.

Aleksandr Yemilyanenko

Foto: Forbes

Foto: Forbes

2012-yilda u samolyot bortida sarxush holda janjal ko‘tarib, natijada mayda bezorilikda aybdor deb topildi va 800 rubllik jarimaga tortildi.

Bir yildan so‘ng Yemilyanenko Moskvadagi qahvaxonalardan birida mojaro chiqardi, mushtlashuvda bir kishi jabrlandi, ammo ish sudgacha bormadi.

2015-yilda sportchi o‘z uy xizmatchisini zo‘rlagani uchun 4,5 yillik qamoq va 50 000 rubl jarimaga tortildi.

Dennis Rodman

Foto: Forbes

Foto: Forbes

2001-yilda basketbolchi jinsiy zo‘ravonlikda ayblandi, biroq oqlanib chiqdi. Bunday ayblov unga avvalroq ham qo‘yilgan edi.

2012-yilda Rodman aliment to‘lamagani uchun 104 soatlik axloq tuzatish ishlari va uch yillik sinov muddatiga mahkum qilindi.

Izoh
Asosiy yangiliklar
Dunyo
Genotsidda gumonlanayotgan erkak, sohilga chiqib qolgan o‘lik akula, Rossiya kuniga tayyorgarlik — 9-iyun suratlari 
Qozog‘iston
Qozog‘istonda yirik o‘rmon yong‘ini: 3 kishi halok bo‘ldi, To‘qayev yong‘in zonasiga boradi (video)
Dunyo
Medvedev AQSHning boshqa mamlakatlardagi harbiy amaliyotlarini sanab o‘tdi va Oq uyni “jim bo‘lishga” chaqirdi