Messini o‘z fikridan qaytarish uchun Buenos-Ayresda unga atalgan haykal o‘rnatildi (foto)

Argentina poytaxti Buenos-Ayresda “Barselona” hujumchisi Lionel Messiga atab haykal o‘rnatildi. Uning ochilish marosimi 28-iyun, seshanba kuni bo‘lib o‘tdi, deb xabar bermoqda 101 Great Goals.

29 yoshli futbolchi Argentina terma jamoasining Amerika Kubogi–2016 finalida Chilidan (0:0, penaltilar bo‘yicha: 2:4) uchralgan mag‘lubiyatdan so‘ng mamlakat termasidagi ishtirokini yakunlaganini e’lon qilgandi.

• Messi ortidan Maskerano va Aguero ham Argentina termasidagi faoliyatini tugatdi

  

Ushbu haykalning o‘rnatilishi Messining o‘z fikrini o‘zgartirishga qaratilgan kampaniya sifatida qayd etildi. Shahar meri Orasio Rodriges Larreta futbolchining terma jamoadagi faoliyatini davom ettirishga chaqirdi.

• Messining ko‘z yoshlari, Chili termasining quvonchi. Amerika Kubogi–2016 finalidan fotoreportaj

Avvalroq Argentina prezidenti Maurisio Makri hamda sobiq futbolchi Diyego Lionel Messini Argentina termasi jamoasi safida qolishga chaqirgan edi.

• Messi nima sababdan terma jamoani tark etishga qaror qilganini tushuntirib berdi

• “Daryo” o‘quvchilari Krishtianu Ronaldu terma jamoasi bilan xayrlashishda Messidan o‘rnak olmasligiga ko‘proq ishonadi

Eslatib o‘tamiz, Lionel Messi Argentina terma jamoasi safida 2005-yildan buyon to‘p surib kelayotgandi. 113 o‘yinda hujumchi 55 ta gol kiritishga muvaffaq bo‘lib, mamlakat termasining eng yaxshi to‘purariga aylangan.