Мессини ўз фикридан қайтариш учун Буэнос-Айресда унга аталган ҳайкал ўрнатилди (фото)

Аргентина пойтахти Буэнос-Айресда «Барселона» ҳужумчиси Лионель Мессига атаб ҳайкал ўрнатилди. Унинг очилиш маросими 28 июнь, сешанба куни бўлиб ўтди, деб хабар бермоқда 101 Great Goals.

29 ёшли футболчи Аргентина терма жамоасининг Америка Кубоги–2016 финалида Чилидан (0:0, пенальтилар бўйича: 2:4) учралган мағлубиятдан сўнг мамлакат термасидаги иштирокини якунлаганини эълон қилганди.

• Месси ортидан Маскерано ва Агуэро ҳам Аргентина термасидаги фаолиятини тугатди

  

Ушбу ҳайкалнинг ўрнатилиши Мессининг ўз фикрини ўзгартиришга қаратилган кампания сифатида қайд этилди. Шаҳар мэри Орасио Родригес Ларрета футболчининг терма жамоадаги фаолиятини давом эттиришга чақирди.

• Мессининг кўз ёшлари, Чили термасининг қувончи. Америка Кубоги–2016 финалидан фоторепортаж

Аввалроқ Аргентина президенти Маурисио Макри ҳамда собиқ футболчи Диего Лионель Мессини Аргентина термаси жамоаси сафида қолишга чақирган эди.

• Месси нима сабабдан терма жамоани тарк этишга қарор қилганини тушунтириб берди

• «Дарё» ўқувчилари Криштиану Роналду терма жамоаси билан хайрлашишда Мессидан ўрнак олмаслигига кўпроқ ишонади

Эслатиб ўтамиз, Лионель Месси Аргентина терма жамоаси сафида 2005 йилдан буён тўп суриб келаётганди. 113 ўйинда ҳужумчи 55 та гол киритишга муваффақ бўлиб, мамлакат термасининг энг яхши тўпурарига айланган.