Los-Anjelesdagi osmono‘par binoda shaffof attraksion ochiladi

Los-Anjelesdagi (AQSh) eng baland binoda yangi attraksion — shaffof tepaliklar ochiladi. Bu haqda, Reuters’ga asoslanib, “Gazeta.ru” xabar bermoqda.

Skyslide attraksioni 25-iyun, shanbadan tashrifchilar uchun ochiladi. U 305 metr balandlikda, AQSh Banki 73 qavatli minorasining 70-qavatida o‘rnatildi.

Tashrifchilarga 69-qavatdagi platformaga qarab uchish taklif qilinadi. U ham osmono‘par binoning ichida joylashgan. Attraksion uzunligi 14 metrni tashkil etadi.

Bino egasi — Singapurning OUE Ltd kompaniyasi vakillari konstruksiya butunlay yopiqligini, shisha qalinligi 3,2 santimetrni tashkil etishini uqtirmoqda. Ta’kidlanishicha, shisha kuchli shamol va hatto zilzilaga dosh bera oladi.