Yevro—2016. Italiya va Belgiyaga qo‘shilib Irlandiya ham nimchorak finalda. Turkiya esa turnir bilan xayrlashdi

Fransiyada davom etayotgan Yevropa Chempionatida guruh bosqichiga rasman yakun yasaldi va nimchorak finalga yo‘llanma olgan 16 terma jamoaning nomi ma’lum bo‘ldi.

Musobaqaning “E” guruhi 3-turida Italiya terma jamoasi Irlandiyadan 0:1 hisobida yengildi. Guruh peshqadamligini 2-turdan keyinoq hal etib qo‘ygan Italiya bellashuvga ikkinchi tarkibi bilan chiqib keldi va guruh bosqichini 9 ochko bilan yakunlagan yagona jamoaga aylanish imkoniyatini qo‘ldan chiqardi.

Robert Bredining 85-daqiqada kiritgan yagona goli Irlandiya terma jamoasini nimchorak finalning so‘nggi ishtirokchisiga aylantirdi. Natijada Turkiya terma jamoasi Yevro—2016 bilan xayrlashishga majbur bo‘ldi.

Qayd etish kerak, guruh bosqichini 3-o‘rinda yakunlagan Albaniya va Turkiya terma jamoalari 6 ta guruhda so‘nggi pog‘onadan joy olgan termalarga qo‘shilib, Yevropa Chempionatini tark etdi.

“E” guruhidagi ikkinchi bellashuvda Shvetsiya terma jamoasi Belgiyaga imkoniyatni boy berdi. Radja Naynggolanning 84-daqiqada kiritgan yagona goli uchrashuv taqdirini hal etdi.

Shu tariqa Italiya va Belgiya termalari 6 ochko, Irlandiya 4, Shvetsiya esa 1 ochko to‘plashga muvaffaq bo‘ldi.

Yevropa Chempionatining nimchorak finaliga yo‘l olgan jamoalar bilan tanishing: Fransiya, Shveysariya, Uels, Angliya, Slovakiya, Germaniya, Polsha, Shimoliy Irlandiya, Xorvatiya, Ispaniya, Italiya, Belgiya, Irlandiya, Vengriya, Islandiya va Portugaliya.

[wpse_match id="351467" show_title=1]

[wpse_match id="351469" show_title=1]