BMT bosh kotibining Yaman bo‘yicha maxsus elchisi Ismoil uld Shayx Ahmad tashkilot Xavfsizlik Kengashi a’zolariga “yo‘l xaritasi”ni taqdim etdi, deb yozadi “TASS”. Kuvaytda turib o‘tkazilgan telekonferensiya rejimida u tanglikni tartibga solish usuli bilan o‘rtoqlashdi.
Emissar so‘zlariga ko‘ra, hujjat Xavfsizlik Kengashining 2216-rezolyutsiyasi qoidalarini nazarda tutadi va mamlakatni qayta tiklash va iqtisodiyotni tiriltirish ustida ishlaydigan milliy birdamlik hukumatini yaratishni taklif qiladi.
Mavritaniyalik diplomat hukumat va isyonchi shialar vakillari, umuman olganda, ushbu rejani amalga oshirish tarafdori ekanligi, ammo, ziddiyatga sabab bo‘layotgan savollar qolayotganini ta’kidladi. “Milliy birdamlik hukumati qachon shakllanadi? Qayerdadir kelishishga muvaffaq bo‘linmasa, nima bo‘ladi?” — deya misol keltirdi u.
Emissar shu tufayli xalqaro hamjamiyatlar vakillariga muxoliflarni BMT bosh kotibi maxsus vakilining shartlarini qabul qilishga ko‘ndirish uchun qo‘shimcha tarzda harakat qilishga chaqirdi.
Izoh (0)