“Daryo” o‘quvchilari: Garet Beylning Angliyaga urgan goli — Yevro—2016 guruh bosqichi 2-turidagi eng chiroyli gol (video)

“Daryo” so‘rovnomasiga ko‘ra Garet Beyl tomonidan Angliya milliy terma jamoasi darvozasiga urilgan gol Yevro—2016 guruh bosqichi 2-turidagi eng chiroyli gol deb topildi.

• “Daryo” o‘quvchilari Luka Modrichning golini Yevro—2016 1-turidagi eng yaxshisi deb topdi

• Garet Beyl Yevro—2016 guruh bosqichining barcha uchrashuvida gol ura olgan yagona futbolchiga aylandi (video)

1. Garet Beyl. Uels — Angliya

23 foiz ovoz bilan Slovakiya terma jamoasi yarim himoyachisi Marek Hamshik 2-o‘ringa loyiq ko‘rildi. Uning Rossiya darvozasiga urgan goli so‘rovnomada ishtirok etgan sakkizta gol ichidan ikkinchi bo‘la oldi.

2. Marek Hamshik. Slovakiya — Rossiya

Kuchli uchtalikni aniqlashda qiziq holat yuzaga keldi. Fransiya terma jamoasi a’zosi Dimitri Payetning Albaniya darvozasiga urgan goli va xorvatiyalik Ivan Rakitichning Chexiya postini ishg‘ol qilishi bir xilda ovoz to‘pladi. Natijada 9 foizdan ovoz olgan bu ikki futbolchi 3-o‘ringa joylashdi.

3. Dimitriy Payet. Fransiya — Albaniya

3. Ivan Rakitich. Xorvatiya — Chexiya

Yevro—2016 1-turidagi eng chiroyli gollar uchligida bo‘lgani kabi, 2-turda ham Uels, Fransiya va Xorvatiya terma jamoalari futbolchilari kuchli uchlikka kira oldi.