Dog‘istondagi aksilterror operatsiyasi chog‘ida 5 nafar huquq-tartibot xodimi halok bo‘ldi

Dog‘iston janubidagi Suleyman-Stalskiy tumanida o‘tkazilayotgan maxsus aksilterror operatsiyasi davomida huquq-tartibot idoralarining besh xodimi halok bo‘ldi. Bu haqda “Interfaks” xabar bermoqda.

Beshinchi xodim bugun, 18-iyun kuni shifoxonada hayotdan ko‘z yumdi. Yana uch xodim shifokorlar nazorati ostida qolmoqda.

Ilgariroq Dog‘istondagi maxsus operatsiya davomida o‘n nafar jangari yo‘q qilingani ma’lum bo‘lgan edi.