Termiz shahrida 8-iyun kuni havo harorati +44,0 darajagacha, 9-iyun kuni esa +44,4 darajagacha ko‘tarildi. Bu haqda “O‘zgidromet” markazi xabar berdi.
Ma’lumotlarga ko‘ra, Termizning 8-iyun tarixidagi eng issiq kuni bungacha 1995-yilda qayd etilgan bo‘lib, o‘shand havo harorati +43,4 darajagacha ko‘tarilgan.
Termizning 9-iyun tarixidagi bundan avvalgi eng issiq kun esa 2008-yilning 9-iyunida kuzatilgan — o‘shanda O‘zbekistonning eng janubiy shahrida havo harorati +43,0 darajaga yetgan.
Ma’lumot uchun, 15-iyun, chorshanba kuni Surxondaryo viloyatida havo harorati +33...+38 daraja bo‘ladi, qisqa muddatli yomg‘ir yog‘ishi, momaqaldiroq bo‘lishi, shamolning tezlishi soniyasiga 20 metrgacha kuchayishi mumkin.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)