Yaponiyaning Xokkaydo shimoliy prefekturasidagi Toma shahri fermerlari mashhur “denske” navidagi qora tarvuzni 500 ming iyena (qariyb 4,7 ming dollar)ga sotdi, deb xabar bermoqda “TASS”. Bu yilgi birinchi kimoshdi savdosida shunga o‘xshash 260 ta tarvuz sotildi.

Foto: The Tokyo Times

Foto: The Tokyo Times

Xaridorning tarvuz uchun katta mablag‘ sarflaganiga qaramay, uning narxi rekord sifatida qayd etilmadi. Eng qimmat “denske” 2008-yilda 650 ming iyena (qariyb 6,1 ming dollar)ga sotilgan edi. Ushbu turdagi tarvuzlar o‘zining to‘q yashil, deyarli qora po‘sti, o‘zgacha sersuvligi va shirinligi bilan mashhur hisoblanadi. Toma shahri ularning yetishtiriladigan markazi sanaladi va shu yerning o‘zida har yili kimoshdi savdosi o‘tkaziladi. Joriy yilda Xokkaydo fermerlari kamida 70 mingta sara tarvuzni o‘rtacha 5 ming iyena (47 dollar)dan sotishni rejalashtirgan.

Yaponiyada hajmi, shakli, ta’mi va rangi o‘zgacha bo‘lgan mevalarni ko‘pincha ushbu turkumdagi tovarlarga xos bo‘lmagan o‘ta qimmat narxda sotuvga qo‘yiladi. Shu yilning may oyida “yubari” navidagi bir juft qovun rekord narxda – 3 million iyena (28 ming dollardan ziyod)ga sotildi. O‘tgan yili esa xaridorlar Miyadzaki prefekturasida yetishtirilgan bir juft mango uchun 2,5 ming hamda 30 dona mag‘izdan iborat bir bog‘ uzum uchun 8,2 ming dollarni ayamadi.