Mehnat vaziri Aziz Abduhakimov rahbarligidagi O‘zbekiston delegatsiyasi Jenevada Xalqaro mehnat tashkiloti (XMT) bosh direktori Gay Rayder bilan uchrashdi, deya xabar bermoqda “Gazeta.uz” vazirlik matbuot xizmatiga tayanib.
105-Xalqaro mehnat konferensiyasi doirasida bo‘lib o‘tgan uchrashuvda, shuningdek, XMTning yetakchi bo‘limlari rahbarlari qatnashdi.
Gay Rayder O‘zbekistonning XMT konvensiyasi doirasidagi majburiyatlarni bajarishdagi ochiqligi va sodiqligini, shuningdek, xalqaro mehnat standartlari amalga oshirilishidagi progressni qayd etdi.
XMT rahbari tashkilot O‘zbekistonning aholi bandligi va ijtimoiy himoyani ta’minlashga qaratilgan ishlar bo‘yicha masalalarni yechish borasidagi intilishlarini qo‘llab-quvvatlashda davom etishini aytdi.
Izoh (0)