Amerikalik afsonaviy bokschi, og‘ir vazn toifasida uch karra jahon chempioni Muhammad Ali bilan xayrlashuv va dafn marosimi 10-iyun, juma kuni o‘zi tug‘ilib o‘sgan Luisvill shahrida (Kentukki shtati) bo‘lib o‘tadi. Bu haqda, AFP manbalariga tayanib, “TASS” xabar bermoqda.
Muhammad Ali 3-iyun kuni 74 yoshida Arizona shtatining Finiks shahridagi shifoxonalardan birida jon berdi. Marhum bokschi nafas olishga qiynalayotgani sababli shifoxonaga yetkazilgan va u yerda bir necha kun o‘tkazgan edi. U 32 yil davomida Parkinson xastaligidan aziyat chekdi.
Professional faoliyati davomida Muhammad Ali 61 ta jang o‘tkazib, 56 tasida (shulardan 37 tasida nokaut bilan) g‘alaba qozonib, 5 tasida mag‘lubiyatga uchragan. U 1960-yilgi Olimpiada chempioni bo‘lgan, 1999-yilda esa “Asr sportchisi” deb tan olingandi.
Izoh (0)