O‘zbekistonda 4 kilogrammga semirgan bokschi. Muhammad Alining Toshkent va Samarqandga tashrifi haqida

32 yil davomida Parkinson xastaligiga qarshi kurashib kelgan boks afsonasi Muhammad Ali 3-iyun, juma kuni nafas yo‘llaridagi muammolar tufayli Finiksdagi shifoxonalardan birida jon berdi. U 74 yoshda edi.

“Daryo” marhum bokschining O‘zbekistonga tashrifini yodga olishni joiz deb topdi.

• Boks afsonasi Muhammad Ali 74 yoshida vafot etdi

1978-yilning 12-iyun kunida Muhammad Ali turmush o‘rtog‘i Veronika bilan sobiq ittifoq Sport qo‘mitasi taklifiga binoan Moskvaga keladi. Uch kundan so‘ng boks afsonasi O‘zbekistonga borish istagini bildiradi. Muhammad Ali va uning turmush o‘rtog‘ini poytaxtdagi “Toshkent” (hozirgi Lotte) mehmonxonasiga joylashtirishadi.

• “Kapalakdek parvoz qil, asalaridek chaq”. Muhammad Ali faoliyatidan eng sara fotosuratlar

O‘zbekistonga tashrifi chog‘ida u Toshkent va Samarqand shaharlarida bo‘lib, Ulug‘bek rasadxonasi va bir nechta masjidlarni ko‘zdan kechiradi. Masjidlardan birida unga oltin iplardan tikilgan chopon sovg‘a tariqasida hadya qilinadi.

• Muhammad Ali faoliyatidagi eng yorqin nokautlar (video)

O‘zbekistonda u qayerga bormasin, Alini katta dasturxon bilan kutib olishardi. Toshkentdan Moskvaga qaytgan Muhammad Ali O‘zbekistondagi tashrifi davomida 4 kilogramm vazn to‘plaganini ma’lum qiladi.