Ўзбекистонда 4 килограммга семирган боксчи. Муҳаммад Алининг Тошкент ва Самарқандга ташрифи ҳақида

32 йил давомида Паркинсон хасталигига қарши курашиб келган бокс афсонаси Муҳаммад Али 3 июнь, жума куни нафас йўлларидаги муаммолар туфайли Финиксдаги шифохоналардан бирида жон берди. У 74 ёшда эди.

«Дарё» марҳум боксчининг Ўзбекистонга ташрифини ёдга олишни жоиз деб топди.

• Бокс афсонаси Муҳаммад Али 74 ёшида вафот этди

1978 йилнинг 12 июнь кунида Муҳаммад Али турмуш ўртоғи Вероника билан собиқ иттифоқ Спорт қўмитаси таклифига биноан Москвага келади. Уч кундан сўнг бокс афсонаси Ўзбекистонга бориш истагини билдиради. Муҳаммад Али ва унинг турмуш ўртоғини пойтахтдаги «Тошкент» (ҳозирги Lotte) меҳмонхонасига жойлаштиришади.

• «Капалакдек парвоз қил, асаларидек чақ». Муҳаммад Али фаолиятидан энг сара фотосуратлар

Ўзбекистонга ташрифи чоғида у Тошкент ва Самарқанд шаҳарларида бўлиб, Улуғбек расадхонаси ва бир нечта масжидларни кўздан кечиради. Масжидлардан бирида унга олтин иплардан тикилган чопон совға тариқасида ҳадя қилинади.

• Муҳаммад Али фаолиятидаги энг ёрқин нокаутлар (видео)

Ўзбекистонда у қаерга бормасин, Алини катта дастурхон билан кутиб олишарди. Тошкентдан Москвага қайтган Муҳаммад Али Ўзбекистондаги ташрифи давомида 4 килограмм вазн тўплаганини маълум қилади.