JCh—2018 3-saralash bosqichiga yo‘l olgan terma jamoalardan Eron va Yaponiya Yevropa vakillarini mag‘lub etgan bo‘lsa, O‘zbekiston milliy terma jamoasining yana bir raqibi Xitoy Trinidad va Tobago ustidan zafar quchdi.
Safarda Makedoniyaga qarshi kurash olib borgan Eron hujumchi Sardor Azmun tomonidan qayd etilgan xet-trik evaziga 3:1 hisobida g‘alaba qozondi. Qayd etish kerak, O‘zbekiston va Eron milliy terma jamoalari o‘rtasidagi so‘nggi bellashuvda forslar 1:0 hisobida ustun kelgandi.
Makedoniya — Eron 1:3
Gollar: Sardor Azmun, 8 (0:1). Slobodan Traxovski, 11 (1:1). Sardor Azmun, 21 (1:2). Sardor Azmun, 60 (1:3).Yaponiya milliy terma jamoasi esa o‘z maydonida Bolgariyani qabul qilib, raqibi darvozasiga 7 ta gol urishga muvaffaq bo‘ldi va o‘z postidan 2 ta to‘p o‘tkazib yubordi. Bellashuvda Sindzi Kagava va Maya Yoshida dublga erishdi, Sindzi Okazaki, Takashi Usami, Takuma Asano kabi futbolchilar bir martadan muvaffaqiyat qozondi.
Ma’lumot uchun, O‘zbekiston va Yaponiya milliy terma jamoalari o‘rtasidagi so‘nggi to‘qnashuvda kunchiqar yurt vakillari 5:1 hisobida g‘alaba qozongandi. Yevro—2016 saralash turnirida Italiya, Xorvatiya, Norvegiya kabi terma jamoalar bilan bir guruhdan joy olgan Bolgariya faqatgina 1 ta bellashuvda Xorvatiyadan 0:3 hisobida yengilgan, qolganida esa raqiblariga munosib qarshilik ko‘rsatishga muvaffaq bo‘lgandi.
Yaponiya — Bolgariya 7:2
Gollar: Sindzi Okazaki, 4 (1:0). Sindzi Kagava, 27 (2:0). Sindzi Kagava, 35 (3:0). Maya Yoshida, 38 (4:0). Maya Yoshida, 53 (5:0). Takashi Usami, 57 (6:0). Mixail Aleksandrov, 59 (6:1). Ivailo Chochev, 82 (6:2). Takuma Asano, 87-pen (7:2).Noaniq penalti: Georgiy Milanov, 89 (B).O‘zbekiston milliy terma jamoasining Jahon Chempionati yo‘lidagi raqibi Xitoy o‘z maydonida Trinidad va Tobagoni qabul qilib, 4:2 hisobida muvaffaqiyat qozondi. 7-iyun kuni xitoyliklar UEFA vakili Qozog‘iston terma jamoasini sinovdan o‘tkazadi.
Qayd etish kerak, O‘zbekiston va Xitoy milliy terma jamoalarining so‘nggi to‘qnashuvi Chin o‘lkasi futbolchilarining 2:1 hisobidagi g‘alabasi bilan o‘z yakuniga yetgandi.
Xitoy — Trinidad va Tobago 4:2
Gollar: Ziang Ning, 3 (1:0). Dzang Yuning, 31 (2:0). Dzang Yuning, 65 (3:0). Uillis Plaza, 67 (3:1). Uillis Plaza, 86 (3:2). Xu Rentian, 88 (4:2).O‘zbekiston milliy terma jamoasi 2-iyun kuni O‘zPFL legionerlariga qarshi o‘rtoqlik o‘yinida maydonga tushib, yopiq eshiklar ortida kechgan bellashuvda 2:2 hisobida durang o‘ynagandi.
Izoh (0)