Farg‘ona shahrida 21-maydan e’tiboran shahar bo‘ylab harakatlanishning mutlaqo yangi usuli hisoblangan MyTaxi xizmati ishga tushdi. Endi taksi chaqirish uchun qayergadir qo‘ng‘iroq qilish yoki ko‘chaga chiqib qo‘lni ko‘tarish shart emas. Sizning qayerda turganingizni avtomatik ravishda aniqlaydigan mobil dasturni ochsangiz kifoya — bir harakat bilan Sizga eng yaqin turgan avtomobil xizmatingizga muntazir bo‘ladi.
MyTaxi mobil dasturi — haydovchini yo‘lovchi bilan bog‘lovchi servisdir. Zamonaviy texnologiyalar sharofati bilan taksining yetib kelish vaqti minimum darajada qisqardi, shuningdek, taksi chaqirish jarayoni maksimal darajada sodda ko‘rinish oldi.
MyTaxi’ning Farg‘onadagi faoliyati birinchi kunida servis asoschisi Akmal Fayziyev soat 9:00 dan 15:00 ga qadar o‘z avtomobilida xizmat ko‘rsatdi. Uning xizmatidan foydalanishga muvaffaq bo‘lgan yo‘lovchilar yo‘l-yo‘lakay MyTaxi servisi faoliyati va tamoyillari haqidagi savollarga javob oldi.
Xo‘sh, narx-navo qanday? Minimal to‘lov — 2 500 so‘m (bu summa dastlabki uch kilometrni o‘z ichiga oladi), keyingi har bir kilometr uchun esa 500 so‘mdan hisoblab boriladi.
Mobil dasturini App Store (https://goo.gl/jmIta4) va Google Play (https://goo.gl/nqV84h)dan yuklab oling, taksini MyTaxi orqali chaqiring, taassurotlaringizni o‘z yaqinlaringiz bilan bo‘lishib, ularga yangi xizmatni tavsiya qiling.
MyTaxi — shahar bo‘ylab harakatlanishning mutlaqo yangicha usuli!
Izoh (0)