Putin Qrim energiya ko‘prigining oxirgi tarmog‘ini ishga tushirdi

Rossiya prezidenti Vladimir Putin videoko‘prik davomida Qrim energiya ko‘prigining oxirgi, to‘rtinchi tarmog‘ini ishga tushirdi. Bu haqda “Gazeta.ru” xabar beradi.

Prezident Qrim energiya ko‘prigi orqali 800 MVt elektr energiyasi o‘tishini va bu yarim orol energiya tizimining butun kurort mavsumi davomida normal faoliyat ko‘rsatishi uchun yetarli bo‘lishini ma’lum qildi.

Jami hisoblaganda, Qrim energiya ko‘prigi ishga tushirilgandan so‘ng 1,27 ming MVt quvvatga ega bo‘ladi. Zarurat bo‘lganda uni 1,8 ming MVtgacha oshirish mumkin.